Komentary
Wužywajśo wobceŕk Komentary bocnice, aby komentary w dokumenśe pokazał, filtrował a sortěrował.
Toś ta funkcija jo eksperimentelna a móžo zmólki zawinowaś abo k njewócakanemu zaźaržanjeju wjasć. Aby ju weto zmóžnił, wubjeŕśo a wubjeŕśo kontrolny kašćik Eksperimentelne funkcije zmóžniś (móžo instabilne byś).
Nastajenja
Filter
Nastajśo filtrowe kriterije za komentarowu nitku.
Awtor
Wubjeŕśo awtora z kombinaciskego póla, aby komentary pó awtorje filtrował.
Datum
Wužywajśo datumowy wuběrak, aby komentary wěstego datuma pokazał.
Pokazaś
Cas
Markěrujśo toś ten kontrolny kašćik, aby pódla datuma w komentarowej nitce cas pokazał, gaž komentar jo se napórał.
Wobstarany
Markěrujśo toś ten kontrolny kašćik, aby komentary pokazał, kótarež su se wobstarali w komentarowej nitce.
Wótkaz
Markěrujśo toś ten kontrolny kašćik, aby tekst w dokumenśe pokazał, na kótaryž se komentar póśěgujo.
Sortěrowaś pó:
Wubjeŕśo pórěd, pó kótaremž se komentary w komentarowej nitce pokazuju.
Pozicija
Sortěrujśo komentary pó jich poziciji w dokumenśe.
Cas
Sortěrujśo komentary pó casu jich napóranja.
Komentarowe nitki
Wobceŕk Komentarowe nitki lisćinu komentarow w aktualnem dokumenśe pokazujo. Klikniśo na ekspander, aby komentarowu nitku pokazał abo schował.
Pokazkowy tekst
Pokazujo tekst w dokumenśe, na kótaryž se komentarowa nitka póśěgujo.
Mě awtora
Pokazujo mě komentarowego awtora.
Datum
Pokazujo datum, na kótaremž jo se komentar napórał.
Cas
Pokazujo cas, na kótaremž jo se komentar napórał. Wótwónoźćo kokulku z kontrolnego kašćika Cas, aby toś to pópisanje schował.
Wótegroniś
Klikniśo na symbol Wótegroniś nad komentarom, aby na komentar wótegronił. Zapódajśo komentar do nowego komentarowego póla, kótarež se pód nadrědowanym komentarom zjawijo.
Wótegroniś
Wobstaraś
Markěrujśo kontrolny kašćik, aby wubrany komentar ako wobstarany wóznamjenił.
Komentarowe pólo
Komentarowe pólo tekst kuždego komentara pokazujo.