Inspektor pśedłogow

Inspektor pśedłogow jo w bocnicy. Pokazujo wšykne atributy wótstawkowych a znamjenjowych pśedłogow a direktne formatěrowanje we wótstawku a w znamušku , źož kursor jo. Toś te drobnostki mógu wužytne byś, gaž wopytujośo wuslěźiś, cogodla někotare formatěrowanja w dokumenśe zdaju se wopacne abo inkonsistentne byś.

Wobceŕk Inspektor pśedłogow

Kakosći

Wótstawkowe pśedłogi: Pokazujo lisćinu wótstawkowych pśedłogow, kótarež su se nałožyli na tekst na poziciji kursora, kótarež hierarchiji pśedłogow slěduju, źož nadrědowana pśedłoga jo nad kuždeju pódrědowaneju pśedłogu.

Direktne formatěrowanje wótstawkow: Pokazujo lisćinu wótstawkowych kakosćow, kótarež su direktnje za tekst na poziciji kursora nastajone.

Znamjenjowe pśedłogi: Pokazujo lisćinu znamjenjowych pśedłogow, kótarež su se nałožyli na tekst na kursorje, kótarež hierarchiji slěduju, źož nadrědowana pśedłoga jo nad kuždeju pódrědowaneju pśedłogu.

Direktne znamjenjowe formatěrowanje: Pokazujo lisćinu znamjenjowych kakosćow, kótarež su direktnje za tekst na poziciji kursora nastajone.

Gódnoty

Pokazujo gódnoty kakosćow.

Wužyśe

Wužywajśo inspektor pśedłogow, aby formatěrowańske problemy w swójom tekstowem dokumenśe namakał.

• Kakosći, kótarež su pśez direktne formatěrowanje pśepisane, se w bomje wótstawkowych a znamjenjowych pśedłogow šerjeju, to groni, až se kakosć pśedłogi wěcej njewustatkujo.

• Kakosći wótstawkoweje pśedłogi, kótarež se pśez pódrědowanu wótstawkowu pśedłogu znowego definěruju, se šerjeju.

• Kakosći znamjenjoweje pśedłogi, kótarež se pśez pódrědowanu znamjenjowy pśedłogu znowego definěruju, se šerjeju.

• Wótstawkowe pśedłogi a direktne kakosći, kótarež su se znowego definěrowali pśez znamjenjowe pśedłogi abo direktne znamjenjowe kakosći, se šerjeju.

Jolic na pśikład kšomy wótstawki su se změnili z pomocu linealow pśez direktne formatěrowanje, se kakosć Kšoma wótstawkoweje pśedłogi šerjejo a kakosći Kšomy pokazujo se w zapisku Direktne wótstawkowe formatěrowanje inspektora pśedłogow.

Dalšny pśikład: Jolic znamjenjowa pśedłoga Doraznosć słowo ze žołteju slězynu wuzwigujo, a wužywaŕ jen wómólnje z běłeju slězynu pśepišo, by se atribut žołty šerjeł a běły se pód Direktne formatěrowanje w inspektorje pśedłogow nalicyjo. Inspektor pśedłogow jano te atributy pokažo, kótarež wót nadrědowaneje pśedłogi wótchylaju (zwětšego wótstawkowa pśedłoga Standard).

Někotare funkcije inspektora pśedłogow pśedewšym nazgónite wužywarje zajmuju:

• Inspektor pśedłogow móžo schowane metadaty RDF (Resource Description Framework, standard W3C) na poziciji kursora pokazaś, kótarež su z tekstowymi wótrězkami, wótstawkami a cytańskimi znamjenjami zwězane. Za tekstowe wótrězki z anotacijami móžo zapisk „Skašćikowane wopśimjeśe“ granicu skašćikowanych tekstowych wobceŕkow z anotacijami a póla metadatow pokazaś.

• Swójske barwowe wósni za póla metadatow daju se za tekstowy wobceŕk abo pólo metadatow z anotaciju nastajiś, za wizializěrowanim kategorijow metadatow w dokumentowem editorje. Wužywajśo Naglěd – Pólne wósni abo tłocćo +F8, aby toś te pólne wósni znjemóžnił abo zmóžnił.