Póstaja nastajenja za awtomatiske źělenje złožkow za jadnotliwe wótstawki.
Pśistup k toś tomu pśikazoju …
Z bocnice:
Wubjeŕśo Kakosći – Wótstawk – Źělenje złožkow
Źělenje złožkow
The Paragraph sidebar panel only sets hyphenation for individual paragraphs. Use the Text Flow dialog to access hyphenation settings for a document or style or the Hyphenation dialog to hyphenate words individually.
Źělenje złožkow
Klikniśo na symbol Źělenje złožkow, aby awtomatiske źělenje złožkow pśešaltował. Gaž toś to nastajenje jo zmóžnjone, LibreOffice Writer awtomatiski trjebne źěleńske znamuška do wótstawka zasajźujo.
Źělenje złožkow
Pśidatne nastajenja źělenja złožkow su k dispoziciji, gaž źělenje złožkow jo zaktiwěrowane. Wužywajśo toś te nastajenja, aby pśiměrił, źož se źěleńske znamuška zasajźuju.
WJELIKE PISMIKI źěliś
Słowa źěliś, kótarež su dopołnje we wjelikich pismikach napisane, na pśikład inicialne słowa.
WJELIKE PISMIKI źěliś
Slědne słowo we wótstawku źěliś
Źěli slědne słowo wótstawkow. Gaž toś tu funkciju znjemóžnijośo, se napóranje skóro proznych smužkow zajźujo, kótarež jano poł słowa wopśimuju.
Slědne słowo wótstawka źěliś
Slědnu dopołnu smužku wótstawka źěliś
Znjemóžniśo toś ten kontrolny kašćik, aby źělenjeju slědneje smužki wótstawka zajźował. Źělone słowo se do pśiduceje smužki pśesuwa, jolic dajo dosć ruma za to. Pśez to buźo slědna smužka wótstawka dlejša a prozny rum mjazy wótstawkami se reducěrujo.
Slědnu połnu smužku wótstawka źěliś
Pśez słupy źěliś
Znjemóžniśo toś ten symbol, aby tomu zajźował, až se pśez słupy, zwězany wobłuk abo bok źěli. Źělona smužka se do pśiducego słupa, wobłuka abo boka pśesunjo.
Pśez słup źěliś
Pśez boki źěliś
Znjemóžniśo toś ten symbol, aby tomu zajźował, až se pśez boki źěli. Źělona smužka se do pśiducego boka pśesunjo.
Pśez boki źěliś
Pśez dwójne boki źěliś
Znjemóžniśo toś ten symbol, aby tomu zajźował, až se pśez dwójny bok źěli. (Dwójny bok se z dweju bokowu zestaja, kótarejž se cytarjeju naraz pokazujotej.) Źělona smužka se do pśiducego dwójnego boka pśesunjo.
Pśez dwójny bok źěliś
Na kóńcu smužki
Zapódajśo minimalnu licbu znamuškow, kótarež maju na kóńcu smužki wóstaś, nježli až se źěleńske znamuško zasajźujo.
Na zachopjeńku smužki
Zapódajśo minimalnu licbu znamuškow, kótarež se maju na zachopjeńku smužki zjawiś, za tym až sćo zasajźił źěleńske znamuško.
Zasobu slědujuce smužki
Zapódajśo maksimalnu licbu zasobu slědujucych smužkow, kótarež daju se źěliś.
Wobstatk kompozituma
Nastajśo 3 (abo wěcej) znamuška, aby źělenje złožkow w dańšćinje, nižozemšćinje, nimšćinje, hungoršćinje, norwegšćinje a šwedšćinje pólěpšył, aby se źělenje złožkow mjazy wobstatkami zestajonego słowa preferěrowało, město togo aby se drugi (tśeśi atd.) wobstatk direktnje za jogo 2 znamuškoma źělił.
Słowna dłujkosć
Zapódajśo minimalnu słownu dłujkosć w znamuškach, kótaraž dajo se źěliś.
Wobceŕk źělenja złožkow
Aby źělenje złožkow reducěrował, zapódajśo dłujkosć wobceŕka źělenja złožkow. Město móžnego źělenja złožkow se smužka mjazy słowami łama, jolic zbytny horicontalny prozny rum wobceŕk źělenja złožkow njepśekšocujo. Wobceŕk źělenja złožkow k pówětšonym wótkłonam mjazy słowami w blokowej sajźbje wjeźo, a k wětšemu wótkłonoju wót wótstawkowych kšomow w teksće, kótaryž njejo w blokowej sajźbje.
Aby wobceŕk źělenja złožkow za slědnu smužku tabelow nastajił, zapódajśo jogo dłujkosć. Tabelowy kóńcny wobceŕk cytajobnosć pólěpšujo, gaž boku wobrośujośo. Gaž gódnotu wuběraśo, kótaraž jo styri raz tak wjelika ako pismowa wjelikosć, se źělenje złožkow 7-8-pismikowych słowow abo krotšych zajźujo. Zajźujo teke łamanjeju dlejšych słowow pla prědnych 4-5 pismikow abo do togo. Jolic jo na 0 stajony, se kóńcny wobceŕk boka ako tabelowy kóńcny wobceŕk wužywa.
